OSAKA- Inaresto ng pulisya sa Hannan, Osaka Prefecture, ang isang 37-taong-gulang na empleyado ng nursing home dahil sa hinalang tangkang pagpatay matapos umano nitong sakalin ang isang 82-anyos na babaeng residente.
Ayon sa pulisya, naganap ang insidente dakong alas-8 ng gabi. Sabado sa intensive-care elderly home Fureai Shiki no Sato, iniulat ng Kyodo News. Sinabi ng pulisya na si Yujiro Hikari ay inakusahan ng pananakal sa babae gamit ang dalawang kamay habang ito ay natutulog sa isang pribadong silid. Tumingin ang isa pang empleyado sa silid at sinigawan si Hikari na huminto.
Sinabi ng pulisya na bahagyang itinanggi ni Hikari ang paratang, at sinabing walang intensyon na pumatay.
Sinabi ng pulisya na ang babae ay nagtamo ng mga pasa sa kanyang leeg ngunit ang kanyang kondisyon ay stable.
Source: Japan Today
Image: Gallery
Join the Conversation