Sa Fukuoka, ang pamahalaan ng lungsod ng Fukuoka ay sinimulan ng kilalanin ang mga nag-sasamang tomboy, bakla, bisexual at trangender upang labanan ang maling pakiki-tungo, paningin at diskriminasyon sa mga ito ng mga mamamayan.
Ang lungsod sa timo-kanluran ng Japan ay ang ika-7 munisipal na nag-lungsad ng ganitong sistema matapos maunang mag-lungsad ang Shibuya Ward sa Tokyo nuong taong 2015.
Pinatunayan ni Mayor Soichiro Takashima ang pag-apruba sa dokumentong ipinasa ng isang magka-sintahan sa munisipyo ng nasabing lungsod.
Ani ni Anri Ishizaki, (33) representative ng isang support group para sa LGBT “ Kami ay matagal ng nag-sasama bilang isang pamilya at kami ay masaya, ngunit mas nakaka-gaan ng loob ngayon kasi parang tinanggap na kami ng lipunan.”
Si Ishizaki ay ipinanganak na babae ngunit namumuhay bilang isang lalaki ay bumisita sa munisipyo upang kumuha ng pag-papatunay na dokumento bilang mag-asawa kasama ang kanyang kinakasama na si Miho Yamashita, (27).
Ang nasabing dokumento ay walang legal na karapatan o obligasyon tulad ng mga kinasal sa ilalim ng batas sibil. Ngunit ang mga nag-sasama sa ilalim ng nasabing sistema ay tatratuhin na katumbas ng mga mag-asawa, maaari rin silang mag-apply sa mga pabahay ng gobyerno o maka-tanggap ng medical treatment sa mga pagamutan ng bayan.
Ang mga nag-sasamang mga LGBT ay dapat magpa-reserve upang maka-tanggap ng nasabing dokumento. Mayroon ng 5 couples na nagpa-reserve nuong lunes, ayon sa pamahalaan ng lungsod.
Source: Japan Today Image: Bank Image
Join the Conversation