FUKUSHIMA – Kasalukuyang pinaghahanap ng Fukushima Prefectural Police ang gunman na bumaril at pumatay sa isang 37 taong gulang na lalaki sa isang used car dealer sa Lungsod ng Sukagawa noong Lunes, ulat ng TV Asahi (Pebrero 23).
Pasado 7: 00 ng gabi, ang asawa ni Takeshi Sakuma ay tumawag sa kapulisan, “Ang aking asawa ay nabaril habang nakikipag-usap sa telepono,” aniya.
Ang mga emergency personnel na rumisponde sa pinangyarihan ay natagpuan si Sakuma na nakahandusay at duguan dahil sa diuman’y tila tama ng bala sa ulo sa garahe ng nasabing dealership.
Matapos agad naisugod sa ospital ang biktima sakay ng ambulansya , sa kasamaang palad ang lalaki ay kinumpirmang binawian ng buhay, ayon sa mga pulis.
Tinatrato ng kapulisan ang kaso bilang isang pagpatay.
Source: Tokyo Reporter
Image : Twitter
Join the Conversation