KAGOSHIMA – Isang 28 taong gulang na lalaki na nasa kustodiya ng kapulisan dahil sa pagtapon umano ng bangkay ng isang nawawalang babae sa Lungsod ng Tarumizu noong nakaraang taon, kung saan nakilala ng suspek ang biktima online, ipinahayag ng mga awtoridad, ulat ng TBS News (Enero 9).
Ayon sa mga pulis, si Yuya Tabata, walang trabaho, ay itinapon ang mga labi ni Mihayu Iwakiri, 35,sa isang masukal na taniman malapit sa National Route 220 noong Setyembre 16.
Nang siya ay naaresto nitong Sabado, ang salarin na si Tabata ay umamin sa krimen. “Walang tanong na iniwan ko [siya],” salaysay ng suspek sa mga pulis. “Ngunit hindi ko alam kung patay[siya].”
Si Iwakiri ay isang Office Worker, na naninirahan sa Lungsod ng Kanoya. Nakilala niya si Tabata sa isang social – networking service.
Noong gabi ng Setyembre 16, umalis ang biktima sa kanyang tirahan at hindi na bumalik. Nag-file ang kanyang pamilya ng Missing Persons sa kapulisan. At noong Oktubre 29, natagpuan ng mga pulis ang nabubulok na katawan nito na malapit sa highway.
Una nang inaresto ng Oita Prefectural Police si Tabata dahil sa pag-kulong at pagtutok ng kutsilyo sa loob ng sasakyan sa Lungsod ng Beppu. At dahil sa isinagawang imbestigasyon sa kasong yuon nagpagtanto na si Tabata ay may kinalaman sa pagkamatay ni Iwakiri.
Samantala kasaluluyang nagpapatuloy ang imbestigasyon sa salang pag-patay.
Source: Tokyo Reporter
Image: Twitter
Join the Conversation