Nawawalang aso ng kapulisan sa Japan, ligtas nang matagpuan makalipas ang 2 araw ng tumakbo ito papasok ng kakahuyan

KOBE – Isang police dog na nawala habang nagsasagawa ng operasyon sa Kanlurang bahagi ng Japan, Prepektura ng Hyogo ay natagpuan nuong umaga ng Oktubre 27, dalawang araw matapos itong biglang makawala at tumakbo sa mga kakahuyan.

Ang 2 taong gulang na lalaking German Sheperd ay natagpuan dakong 9: 40 ng umaga sa mga bundok malapit sa Mount Nagusa sa prepektural na bayan ng Fukusaki kung saan nakawala ito sa mga opisyal ng Hyogo Prefectural Police. Hinanap ang nasabing aso ng mga pulis matapos siyang makawala at tumakbo dakong 11:30 ng umaga noong Oktubre 25. Ang aso ay hindi napinsala at ligtas , sinabi ng mga opisyal.

Source and Image: The Mainichi