TOKYO – Ang Japan University at Tokyo Medical University ay inihayag ang pagbuo ng isang bagong pamamaraan ng testing para sa covid-19 na makakapagbigay ng accurate na resulta sa loob lanag ng 30 minuto.
Ayon sa mga mananaliksik, ang bagong pamamaraan ay highly accurate na klase ng polymerase chain (PCR) testing, at ang mga resulta ay maaaring hatulan nang madali sa pamamagitan lamang ng pag obserba gamit ang mata, sa gayon ay maalis ang pangangailangan para sa isang engineer at espesyal na detektor. Nilalayon ng mga unibersidad na ilagay ang kanilang pamamaraan sa praktikal na paggamit sa pamamagitan ng pakikipagtulungan sa mga pangunahing tagagawa ng gamot sa Japan na Shionogi & Co, na nakabase sa lungsod ng Osaka.
Ang pamamaraan ay tinatawag na Signal Amplification ng Ternary Initiation Complexes (SATIC). Sa loob nito, ang mga halimbawa tulad ng laway o plema mula sa lalamunan ay pinainit sa 95 degree Celsius sa loob ng 2 minuto, at pagkatapos ay pinainit ng isang reagent sa 37 C para sa 20 hanggang 25 minuto. Kung ang ribonucleic acid (RNA) na kabilang sa virus ay nakapaloob sa sample, may isang particle ang mabubuo at magkukulay brown ito, sa gayon ginagawang madali upang matukoy kung ang tao ay positibo o negatibo .
Sa paraang ito, mas mainam na gamitin sa mga airport at mga quarantine station ang ganitong uri ng testing upang mabilis na matukoy kung nahawaan o hindi.
(Japanese original ni Yuki Ogawa, Lifestyle and Medical News Department)
Join the Conversation