Ang ilang mga convenience stores sa Japan ay nagsimula ng alisin ang mga plastic tulad ng mga straw at sinimulang gumamit ng eco-friendly na packaging. Ito ay isang pagsisikap na mabawasan ang mga basurang plastik.
Ang Seven- Eleven ay nagsimulang gumamit ng mga lids o takip ng baso na hindi nangangailangan gumamit pa ng mga straw sa iced coffee at iba pang inumin. Inilunsad ng mga opisyal ng kumpanya ang pagbabago sa buwang ito at unti-unting ipakikilala ang mga bagong lids sa mga oulets nito.
Plano ng tindahan na magbigay ng mga straw na gawa sa mga eco-friendly at environmentally- friendly na materyales para sa mga customer na nais gumamit nito.
Sinabi ng isang opisyal mula sa Seven & i Holdings na ang kumpanya ay nagbebenta ng higit sa 1 bilyong tasa ng kape taun-taon. Inaasahan niya na ang pag-alis ng mga straw sa produkto ay makakabawas sa mga basurang plastik.
Ang isa pang convenience chain, ang Lawson ay nagsimula na ring alisin ang mga straw. Ang ilan sa kanilang mga tindahan ay nagsimula na ring gumamit ng mga lalagyang gawa sa papel na hindi kaagad nasisira sa tubig at may proteksyon laban sa langis para sa kanilang mga tindang boxed lunch.
Source and Image: NHK World Japan
Join the Conversation