TOKYO (TR) – inaresto ng Tokyo Metropolitan Police ang isang lalaking Ruso at isa pang lalaki dahil sa pagnanakaw umano ng bag ng isang lasing na lalaki sa Musashino City nuong nakaraang buwan, mula sa ulat ng NHK (Sept. 3).
Nuong gabi ng August 16, si Vladislav Chrischenko, walang trabaho, ay kinuha umano ang bag ng natutulog na lasing na lalaki sa JR Kichijoji Station. Ang bag ay nag-lalaman ng 1 lapad at 6 na libong cash.
Matapos tumakas, si Chrischenko, 25 anyos ay nakipag-kita kay Haru Takai, 26 anyos na lalaking kakilala ng suspek. Ang huli ay kasamang naaresto sa nasabing kaso.
“Gusto ko ng pera para may pang-gimik ako.” pag-amin ng isa sa mga suspek sa mga pulis.
Si Chrischenko ay naging person of interest matapos suriin ang mga security camera footage sa lugar, ani ng mga pulis.
Ini-imbestigahan ng pulis kung ang mga suspek ay may kinalaman sa ilan pang nakawan na nangyari sa lugar nitong taon.
Source: Tokyo Reporter
Image: Twitter
Join the Conversation