SHIGA (TR) – nag-sagawa ng isang imbestigasyon ang Shiga Prefectural Police matapos matagpuang patay ang isang ginang (37 anyos) at isang sanggol na babae sanhi ng pag-talon nito sa isang apartment building sa Otsu City sa pinaniniwalaang suicide, mula sa ulat ng Sankei Shimbun nuong August 11.
Bandang alas-7:40 ng umaga nuong Linggo ay tumawag sa pulis ang isang lalaking residente sa parehong building sa Ninohama area at nag-sabing “Nakarinig ako ng malakas na tunog at kasunod nuon ay nakita ko ang isang babae at sanggol na naka-handusay sa kalsada.”
Ilang mga officer ang rumesponde at nakita ang babae at bata na naka-handusay at duguan sa bandang ulo sa parking lot ng building. Kalaunan ay idineklara itong wala nang buhay sa pagamutan.
Pinaniniwalaan ng pulis na ang ginang ay tumalon mula sa kanilang apartment building habang hawak nito ang kanyang anak na may intensyon na kitilin ang sariling buhay.
Iniimbestigahan ngayon ang asawa ng ginang ukol sa insidente.
Source: Tokyo Reporter
Image: Twitter
Join the Conversation