Nitong ika-7 ng Abril, ang kauna-unahang transgender ng Japan na nai-halal bilang miyembro ng Prefectural Assembly sa lokal na eleksyon.
Ang bagong miyembro na si Ayako Fuchigami ay ipinanganak na lalaki at nag-bago bilang babae nuong tumuntong sa sapat na edad. Si Fuchigami na tumakbo para sa Constitutional Democratic Party ng Japan, ay nai-halal sa tungkulinsa unang pagkaka-taon sa Higashi Ward ng Sapporo, constituency ng Hokkaido, ang pinaka-hilagang prepektura sa Japan. Ani ng LGBT Association ng Japan para sa mga lokal na kinakatawan, ang pagka-halal ni Fuchigami ay nag-mamarka sa kauna-unahang pagkaka-taon na ang isang transgender ay naka-kuha ng posisyon bilang miyembro ng Prefectural Assembly sa Japan.
Si Fuchigami ay ipinanganak sa Saga Prefecture, nag-aral at nag-tapos sa Hokkaido University. Nuong taong 2000, siya ay nag-simulang mag-trabaho sa Ministry of Agriculture, Forestry and Fisheries. Nag-reseach siya tungkol sa mga bigas na maaaring itanim sa malalamig na lugar.
Napag-tanto ni Fuchigami na siya ay may gusto sa lalaki nuong siya ay nasa elementarya pa lamang, bagama’t ito ay itinago niya ng maraming taon, lahat ng ito ay nag-bago nuong siya ay umalis sa Ministry at nag-trabaho bilang show dancer sa isang club sa isang papular na lugar sa Sapporo, ang Susukino District. Kalaunan, opisyal na niyang pinalitan ang kanyang pangalan at ginawang Ayako.
Nuong ika-8 ng Abril, kina-umagahan matapos ang resulta ng eleksyon, ipina-kita ni Fuchikami ang kanyang commitment bilang Transgender Public Representative. Ani niya ay “Gusto ko na ibalik ang pabor sa mga taong sumuporta sa akin sa pamamagitan ng maiging pag-tatrabaho, upang maka-likha ng lipunan kung saan maaaring maging aktibo ang mga LGBT”
Ni-nais ni Fuchigami na pasukin ang politika matapos kitilin ng kaibigan ang sariling buhay. Nais niya palitan o baguhin ang pakiki-tungo ng lipunan sa LGBT community, nananawagan rin siya para sa isang plataporma na payagan ang LGBT na maging sangkot sa edukasyon.
Source: The Mainichi
Image: The Mainichi/Kotaro Adachi
Join the Conversation