Inaresto ng Saitama Prefectural Police nuong Lunes ang isang 24 anyos na babae dahil sa pag-abandona umano nito sa kanyang bagong silang na sanggol sa loob ng toilet ng isang convenience store sa Niiza City nitong panimula ng taon, mula sa ulat ng NHK
Nuong ika-24 ng Enero, si Yuria Moriizumi, walang trabaho ay nanganak umano ng isang babaeng sanggol sa loob ng toilet ng 7-11 outlet sa Owada Area at iniwan ang sanggol sa loob ng toilet bowl.
“Hindi ko ipina-alam ang akjng pag-bubuntis sa aking magulang.” ani ng suspek sa mga pulis. “Naisip ko na wala akong kakayahan na palakihin ng ng mag-isa ang bata.”
Matapos madiskubre ng isang kostumer ang sanggol, agad na dumating ang mga emergency personnel at kinuha ang sanggol. Ayon sa mga awtoridad, nasa mabuting kalagayan na ang bata sa kasalukuyan.
Bago pa nangyari ang insidente, si Moriizumi na residente ng Akishima City, atokyo ay kasama ang ibang miyembro ng kanyang pamilya na bumabyahe ng naka-sasakyan. Matapos mag-reklamo sa pananakit ng tiyan, sila ay huminto sa isang convenience store.
Nang siya ay bumalik sa sasakyan matapos mag-silang ng bata, namantsahan niya ng dugo ang upuan ng kotse. Nalaman lamang ang katotohanan na siya ay nanganak nang siya ay dinala na sa ospital.
Source: Tokyo Reporter
Image: Twitter
Join the Conversation