Inaresto ng police ang isang 43-year-old na nanay dahil sa diumano’y pag-iwan ng kanyang isang taong gulang na anak na lalaki sa isang restaurant sa Tokyo ng bandang hatinggabi, sinabi ng imbestigador noong Martes.
Si Fukure Miyoshi ay pinaghihinalaang nag abandona ng kanyang anak sa isang restaurant sa Roppongi, na entertainment district na may maraming bars, nightclubs at restaurants, bago mag alas-11 ng gabi noong nakaraang Biyernes.
“Ayoko ng anak. Gusto kong maging libre at makapagpamasyal,” ito ang kanyang sinabi sa Metropolitan Police Department ng siya ay kuwestyunin tungkol sa pangyayari.
Ang sanggol ay nakitang mag-isa at umiiyak sa isang kalsada na malapit sa restaurant ng bandang 11:30 ng gabi habang ang nanay niya ay nasa ibang lugar na hindi kasama ang anak at ito ay lasing.
Ang temperatura sa labas ay nasa 1.8C nung mga oras na siya ay natagpuan.
Source: Japan Today, Kyodo Image: JNN
Join the Conversation